Transcription
1
Monseigneur, nous avons receu la lettre de monsieur de Chastelard quil vous a
2
pleu nous nous faire tenir dattée du XXme du dernier, ne contenant que discours
3
de noz affaires du sel et comme il a encores adjousté au cayer presenté
4
au roy que notre diferend davec le sieur de Montcal soit traicté par devant
5
sa majesté en son privé conseil ; pour ne pouvoir souffrir que notre
6
honneur soit mis en dispute par devant commissaires, par mesme
7
moien lavons rechargé de ne abandonner la court que bien de ceulx
8
qui seront nommés à cest estat prochain ne le soit allé treuver
9
pour entendre les derniers arrievantz de noz affaires, nous offrons pour
10
cesdits estatz faire toutes remontrances pour luy, tant en general que en particulier,
11
selon les memoires quil nous mandera quant à ce que les
12
sieurs de Silans et du Motet ont achepté les perroisses où sont
13
posées ses marnes d’Eydoche et du Chatelard, notre procureur
14
a prins la charge den parler à monsieur de Granieu pour venir
15
an tieraement, mais il en faict dificulté, actendu que les choses
16
alienées excèdent le prix de la commission.
17
Monseigneur, nous sommes deliberés faire infourmer sur les
18
contraventions et desordres que aucuns des compagnies dhommes
19
darmes establies en garnison en ce pays coimmectent. Nous
20
aurions prins pour le passé mesme chemin, mais les habitants
21
se rendent dificilles de deposer pour craincte de leur desplailre
22
ou bien destre mal traictés en cas de retour. Bien sommes
23
nous memoratif davoir faict infourmer contre ceulx de la
24
compagnie de monsieur de Suze, dont les informations furent
25
esté envoiées en court, mais nous feut faicte responce que ce
26
nestoit le temps dy toucher ; aussi dès le commencement
27
que fusmes advertiz quon debvoit establir telles
28
garnisons en ce pays, il vous pleust en faire les
29
remontrances et plainctes à sa majesté pour nous en relever, comme
30
aussi de notre part en aurions envoié memoires audit sieur de
31
[80 v°] Chastelard, lequel y auroit faict tout son debvoir. Vous scavés
32
quelle resolution il en a peu obtenir, tellement que ne scavons
33
de quelle negligence en ce faict on nous pourroit imputer.
34
Nous ne pouvons dire autre chose, si ce nest que telle est
35
la volonté du roy, lequel, quant il luy plairra
36
regarder ses pouvres subgectz de ce païs de son œil de
37
misericorde, destitué de tous moiens de pouvoir plus
38
supporter telle despence que ny a province en tout ce
39
royaume que aye supporté la guerre toute une année
40
à ses despens, que ce pouvre païs, estroict et
41
infertil et de moindre estendue que toute autre province.
42
Sur ce, vous ayantz presenter noz très humbles recommandations,
43
nous prions Dieu,
44
monseigneur, vous donner en santé, longue et très heureuse vie. De
45
Grenoble, ce IIme febvrier 1574.
46
Voz très humbles et obeyssans serviteurs, les
47
comis des estatz de Daulphiné
48
Bourgel